Кызыктуу Ош
Ош алгачкы мүнөттөрдөн эле көп түрдүүлүгү менен меймандарын өзүнө тартып турат. Мындагы маданияттардын, тилдердин жана диндердин кайталангыс айкалышуусу ар түрдүү жагымдуу сезимдерди жаратат. Анда ар түрдүүлүк менен жөнөкөйлүк, чиркөөлөр менен мечиттер, чайханалар менен пиццериялар, көчөдөгү аркандын үстүндө басуучу өнөрпоздор менен кесипкөй театрлар шайкеш айкалышат.
Ош — бул маданияттардын кесилиши…
Оштун көчөлөрүндө сейилдөө мезгилинде Михаил Фрунзе менен Алымбек Датканын жүрүштөрүн, шейбаниддер курган мечиттерди жана Караханиддер убагындагы тыйындар табылган жерлерди эстеткен сокмо дубалдардан курулган татаал көчөлөрдө убакыттын унаасына түшүп алгандай болуп, байыркы мезгилдин демин жон териң менен сезесиң.
Оштун тарыхы анын рухун чагылдырган түрдүү карталардан тургансыйт. Токтогул атындагы эски сейил бакка сейилдеген соң Орус православ чиркөөсүнүн Михайло-Архангельский храмына чейин келебиз, жүз жылдан ашуун убакыт мурун бул чиркөөнүн айланасында православ коомчулугу түзүлө баштаган. Андан кийин Султан Ибраимов атындагы Улуттук драма театрына келебиз. Андан соң Алымбек Датканын эстелигине барып, ал жерден Садыков атындагы көркөм сүрөт музейине киребиз. Кийин жолдун аркы жагына өтүп, өлкөдөгү эски театрлардын бири болгон Бабур атындагы театрга барабыз!
Ошко кош келиңиздер!
Турдун локациялары
- Абдулла-хан IIнин мечит-рабатыАбдулла-хан IIнин мечит-рабаты XVI кылымдагы Шейбаниддер доорундагы тарыхий-архитектуралык эстелик, ал Сулайман-Тоонун түндүк этегинде жайгашкан, болжолдуу түрдө 1580-жылы Бухарадан Ошко чейинки, Хорезмден Хорасанга чейинки эбегейсиз чоң аймакты башкарып турган Абдулла-хан IIнин бийлигинин гүлдөп турган кезинде курулган.
- Кыргызстандагы эң биринчи театр!Оштун театр искусствосу 1877-жылы башталган, анда театр ышкыбоздору “Адамдын тагдыры кудайдыкы эмес” спектаклин жана “Жакшы үй-бүлөдөгү чатак” водевилин коюшкан. Театр ийрими 4-Түркистан ырааттуу батальонунун аскердик жыйналышында ачылган.
- Көркөм сүрөт музейиТургунбай Садыков атындагы Ош облустук көркөм сүрөт музейи жергиликтүү музейлердин эң жашы. Ал 2014-жылы жергиликтүү сүрөтчүлөрдүн демилгеси менен ачылган. Бул укмуштуудай музей кол өнөрчүлөрдүн тарыхый кварталында жайгашкан жана Абдулла-хан IIнин тарыхый жума мечит-рабатына чектешет.
- Нөлдүк километр. Сулайман-Тоонун этегиСулайман-Тоонун түндүк этегинин алдындагы аянт дайыма ачык жана адамдар көп жүргөн жай болчу. 1970-жылдарга чейин мурунку жаңы музейдин, фонтандын жана аянтчанын ордунда кадимки махалла, ылай топурактан курулган үйлөрү бар шаар кварталы бар болгон.
- Улуттук драма театрыСултан Ибраимов атындагы Ош улуттук драма театры Кыргызстандагы ири жана православ театрларынын бири. Театр 1972-жылы түзүлгөн, театрдын жаңы имараты курулганга чейинки эки жылдын ичинде артисттер Барпы атындагы Жалал-Абад театрынын сахнасында өз өнөрлөрүн көрсөтүшкөн.
- Орус православ чиркөөсүМихайло-Архангельский храмы – Орус православ архитектурасынын жалгыз эстелиги, XIX кылымдын аягында анын айланасында “жаңы шаар” деп аталган Оштогу славян коомчулугу калыптана баштаган.
- Токтогул атындагы сейил бакОштогу эң эски сейил бактардын бири, 1878-жылы генерал-губернатордун шаардык багы катары салынган. Ошол эле жылдары Ак-Бууранын сол жээгине чиркөө, казына, аскер казармалары жана дарыканасы бар оорукана курулган.
Башка локациялар
-
Ош чеби
Ош чеби 1919-жылы Россия падышалыгы убагындагы мурунку аскер казармаларынын ордуна курулган, “жаңы шаардын” дал борборундагы Курманжан Датка жана Ломоносов көчөлөрүнүн кесилишинде жайгашкан.
-
Мухаммад Юсуп Байходжа оглынын мечити
Мухаммад Юсуп Байходжа оглынын мечити ХХ кылымдагы архитектуранын эстелиги, ал Навои көчөсүндө жайгашкан, Кыргызстандын түштүгүнө мүнөздүү кварталдык диний курулманын үлгүсүн көрсөтөт.
-
Кол өнөрчүлөр
Эски базар өз кол өнөрүнүн сырларын бекем сактаган кол өнөрчүлөр менен белгилүү, ал эми алардын буюмдарына ушул күнгө чейин жергиликтүү тургундардын суроо-талабы жогору. Алар буюмдардын…
-
Орто кылымдагы мончо
Сулайман-Тоонун түндүк этегиндеги орто кылымдагы мончонун калдыктары 1984-жылы павильон куруу үчүн курулуш иштерин жүргүзүп жаткан убакта күтүүсүздөн табылган.
-
Халмурзай жана Мухаммедбай түрктүн медресеси
Бүгүнкү күндө Навои, Курманжан Датка жана Ленин көчөлөрү менен белгиленген кварталдардан Оштун эски кварталдарынын белгилерин табуу кыйын. Ал өзүнүн тарыхый белгилерин дүркүрөгөн оңдоп-түзөөлөр башталган 1960-жылдары…
-
Токтогул атындагы сейил бак
Оштогу эң эски сейил бактардын бири, 1878-жылы генерал-губернатордун шаардык багы катары салынган. Ошол эле жылдары Ак-Бууранын сол жээгине чиркөө, казына, аскер казармалары жана дарыканасы бар…
-
Базардын тарыхы
Оштун эски базарынын жашы менен шаардын жашы бирдей. Бүгүнкү күндө жергиликтүү базарлардын көпчүлүгү жок болуп кетти, айрымдары өз локацияларын алмаштырды, эски базар гана доорлорду жана…
-
Тешик-Таш
Бул тээ илгертен бери сакталып келе жаткан базарга баруучу колориттик өтмөктөрдүн бири. Тээ алыскы убактарда жардагы таштуу жерлердин арасында жайгашкан турак жай кварталдарынан түшө турган…
Аткаруучу өнөктөштөр:
Долбоор өнөктөштөрү:
Инициатор:
