Сулайман-Тоодогу чокулар жана үңкүрлөр

Сулайман-Тоо – узундугу 1 140 метр, туурасы 569 метр болгон, Фергана өрөөнүнүн түштүк-чыгыш бөлүгүндө, деңиз деңгээлинен 1 000 метрден ашык бийиктикте, Оштун тарыхый борборунда жайгашкан беш баштуу акиташ калдыгы.

Тоонун биринчи чокусу Сулайман чокусу деп аталат (кээде Буура деп аташат, бул котормосунда «төө» дегенди билдирет), бийиктиги – 1 162 метр. Анда Бабурдун бөлмөсү, ага катарлаш белгилүү Бел-Таш (бир нече жолу ылдый сыйгаланып түшө турган таш) жана Кол-Таш (же Бешик-Таш деп аташат) жайгашкан. Ошол эле жерде Чака-тамаар (демек, «тамчылап туруучу дегенди билдирет») тоонун эң табышмактуу  үңкүрү бар, ал жакка сойлоп гана кирүүгө болот. Үңкүрдүн түбүнө чейин сойлоп кирүүгө бардыгы эле батына бербейт.

Экинчи чоку – Шор чоку, бийиктиги – 1 141 метр. Тоонун чокусунда туздуу катмарлар болгондуктан, ушинтип аталып калган. 1960-жылдары туздуу чокуну тик учактан реактив менен тазалашкан, анда түштүк тарабындагы тоонун этегин айланып өткөн Жаннат-Арык («Райский арык») толугу менен жабылган. Мунун баары тоого зыярат кылууга тыюу салуу үчүн жасалган. Бул жерде Кызыл жана Чилтенкана үңкүрлөрү жайгашкан, анын дагы бир аталышы Тешик-Таш, анын үч кире бериши бар.

Үчүнчү чоку – Рушан чокусу, бийиктиги – 1 175 метр. Бул Сулайман-Тоонун эң бийик чокусу, анын боорунда белгилүү үңкүрлөрдөгү музей жайгашкан. Тоонун кыры абдан курч, ал ислам дининдеги рухтар Бейишке бара турган чачтай ичке жана кылычтын мизиндей курч Сырат көпүрөсүн элестетип турат. Бул жерде Тепе жана Эшен үңкүрлөрү жайгашкан.

Төртүнчү чоку – Каттама-Таш чокусу, бийиктиги – 1 145 метр, ал катмарлуу таштарды элестетип турат.

Бешинчи чоку Келинчек («келин») же Ээр-Тоо жана Кекилик учар чокуларынан турат, Келинчек чокусу формасы жагынан ээрге окшош, ал эми Кекилик учар чокусу кекиликтер учуучу чоку болуп саналат. Бийиктиги – 1 119 метр.